Støtteordning paraidrett

Søknadsfrist: 01.05.2025

Paraidrett er idrett for menneske med funksjonsnedsetting (bevegelseshemming, hørselshemming, synshemming og utviklingshemming).

Føremål:

Stimulere til nye tiltak, fleire paraidrettsutøvarar og utvikling av eksisterande tiltak innanfor paraidrett.

Søkjar:

Desse organisasjonsledda kan søke: 

  • Særkrinsar/regionar, idrettsråd, idrettslag og særidrettsgrupper i regionane Sunnfjord, Nordfjord og Sogn i idrettar og greiner som er tilslutta Norges Idrettsforbund.

  • I tillegg kan enkeltutøvarar innan paraidrett søke om støtte til si satsing. Utøvar må representere idrettslag i Nordfjord, Sunnfjord eller Sogn i idrettar og greiner som er tilslutta Norges Idrettsforbund.

Søknaden må innehalde:

Prosjekt/tiltak:

  • Informasjon om tiltaket (gjennomføring, målsetjing, målgruppe og plan for evaluering)
  • Søknadsbeløp
  • Budsjett

Utøvar:

  • Faktaopplysningar om søkar (namn, f.dato, adresse, idrettslag etc.)
  • Informasjon om utøvar sine prestasjonar
  • Informasjon om utøvar sine mål og ambisjonsnivå med utviklingsplan

  • Gjennomført Antidoping Norge sin e-læringsmodul «Ren utøver»


Tildeling prosjekt/tiltak: 

  • Stønad til tildelast til ein eller fleire søkjarar forutsett at tiltaket er samsvarar med og er innafor Norges idrettsforbund sin visjon, verdiar, normer og retningslinjer.
  • Same prosjekt kan få støtte inntil tre år, men må søke kvart år for ny vurdering
  • Årleg ramme for tildeling kr. 100 000,-

  • Enkeltståande arrangement eller hendingar vert ikkje prioritert

  • Det vert ikkje gjeve støtte til anlegg

Tildeling utøvar paraidrett:

  • For å bli vurdert for tildeling må utøvar ha målsetjing om eller vere på regionalt og/eller nasjonalt nivå innafor sin idrett.
  • Stipendet kan tildelast aktive utøvarar både i lagidrett og i individuell idrett frå 16 år (det året ein fyller 16 år)
  • Stipendsum pr utøvar er kr. 10.000,-
  • Idrettsutøvarane som får stipendet står fritt med omsyn til bruken på område utøvarane meiner kan gje idrettsleg framgang i samråd med sine trenarar, leiarar og evt. føresette

SØKNADSSKJEMA KLIKK HER

Rapportering

For søkjarar som mottek midlar i støtteordning for paraidrett er det krav om rapportering som stadfestar at tiltaket er gjennomført og at ein har brukt midlane som skildra i søknaden.

Enkelt rapport sendast stiftinga når tiltaket er gjennomført eller seinast 15. april påfølgjande år (delrapport/statusrapport dersom tiltaket strekker seg over lengre tid).

Dersom slik dokumentasjon ikkje vert sendt innan fristen eller at heile eller deler av midlane ikkje er nytta, skal midlane betalast tilbake innan 31. desember påfølgjande år.